بالفديو ثلاث اجزاء لعمل كوفيه

اجتماع المكتب الفنى لشهر ديسمبر

سوف يتم باذن الله عقد اجتماع المكتب الفنى للمدرسات الاوائل بالاقصر يوم الاربعاء الموافق 14 -12 وذلك بمدرسه ابو الحجاج الابتدائيه باداره الاقصر
وسوف نشرح غرزه المساكه جديده
وده شرح تفصيلى للغرزه الى ان نلتقى ويتم شرحها عمليا
اتمنى انكم تستفيدوا وتعود استفادتكم الى تلاميذكم ان شاء الله



1- نبدأ بعمل سلسال مكون من 28 غرزة+*3سلاسل بمثابة اول عمود+سلسلة*
يعنى 28+4 سلاسل
كررى *عمود+سلسلة* لنهاية السطر حتلاقى عندك 14 مربع باللون البمبى

1- نبدأ بعمل سلسال مكون من 28 غرزة+*3سلاسل بمثابة اول عمود+سلسلة*
يعنى 28+4 سلاسل
كررى *عمود+سلسلة* لنهاية السطر حتلاقى عندك 14 مربع باللون البمبى





 

2- اشتغلى سلسال بلون اخر(الازرق) حوالى 32 سلسال
دككى هذا السلسال فى المربعات بحيث تكون بداية شغلك فى اللون
الازرف عكس نهاية شغلك فى اللون البمبى





3- اشتغلى على السلسال الازرف مربعات (عمود+سلسلة)
حتلاقى عندك 13 مربع ازرق






وهنا من الخلف






4- اشتغلى المربعات البمبى(عمود+سلسلة) فوق العمود بس مرة
تاخدى العمود من امامك ومرة تاخدى العمود من الخلف










5- كملى مرة حتشتغلى من جهة اليمين ومرة من جهة الشمال
ومرة من الخلف ومرة من الامام الى ان تحصلى على مربع مناسب

ثم اشتغلى غرزة الحشو على المربع كلة علشان الشكل النهائى

ثم اشتغلى على طرف المساكة دائرة بغرزة الحشو ايضا

 





http://s405.photobucket.com/albums/p...Video-0001.mp4

دة رابط فديو يارب تستفيدوا منة


دى المساكه وشرح الفنانه ام سامح من منتدى الاسره
http://www.el-osra.com/vb/showthread.php?t=6788

وده رابط المساكه علشان الاستفاده تكون للجميع
اتنى اشوفكم على خير بكل جديد ان شاء الله

علبه للادوات

علبه تم شرحها فى الفديوا الخير يوم 16 -11
ولكن نفذتها بغرزه جديده
اتمنى تعجبكم

شراب شتوى للكبار والصغار

دى صوره الشراب الى هنفذه باذن الله فى اجتماع التوجيه الاربعاء الاخير من شهر 11
الخامات المطلوبه
2 شله صوف او قطن وابره كروشيه
والصور التفصيليه هنزلها بعد الاجتماع
اتمنى ان العلم يبلغ الى معلمش
 وياريت محدش يتخلف عن الاجتماع
القاكم بالف خير


              الخطوات بالتفصيل

نبدأ بأخد المقاس وذلك بعمل عدد من السلاسل وقيسيهم
على اصابع القدمك(من الاصبع الكبير الى قبل الاخير)دة بالنسبة
لعرض الشراب
السطر الاول
وليكن 18 سلسلة+3 اشتغلى اول عمود فى رابع سلسلة
واشتغلى عواميد

ولفى الشغل واشتغلى الجانب الخر واغلقى
بمنزلقة

                    

       

السطر الثاتى الى السطر السادس
اشتغلى 3 سلاسل بمثابة اول عمود وكملى العواميد بشرط
ان تشتغلى فى سن الغرزة الخلفى(الغرزة لها ركنين) يعنى
اتركى الركن اللى امامك واشتغلى فى الركن التانى مع مراعاة
الزيادة من الجانبين وطبعا حسب مقاسك الزيادة عبارة عن
زيادى عمود او اتنين من كل جانب (الايمن والايسر)
اشتغلى هكذا 6 اسطر

السطر السابع الى اخر(وجه) وش القدم
هنا حنقسم الشغل لجهتين امام وخلف دون اى زيادة  من الامام 3 سلاسل (بمثابة عمود) ثم عمود اخر فى نفس الغرزة
اتركى سلسلة واشتغلى عمودين اتركى سلسلة واستغلى عمودين
وهكذا لاخر وش القدم من الخلف اشتغلى عواميد 

وهكذا لاخر الاسطر القادمة وهى حوالى 15 سطر او اكثر او حسب مقاس وش قدمك

                          
نكمل باقى الشراب
قبل الخطوة القادمة  المفروض تقيس على قدمك
اللى اشتغلتية اذا كانتى وصلتى لوش القدم كلة كملى الخطوة القادمة
حنشتغل الخلف فقط عواميد حوالى 7او 8 اسطر وطبعا لازم تقيسى
لغاية لما توصلى الشغل يغطى الكعب

               

 احسبى عدد الغرز الموجودة عندك
اشتغلى عواميد وخدى الاربع غرز اللى فى النصف واشتغليهم
مرة واحدة كررى نفس الخطوة فى السطر اللى بعدة
                  

اقفلى باقى الغرز بابرة الكروشية او بالابرة العادية
وحيكون الشكل كدة

        

اشتغلى 3 سلاسل بمثابة عمود ثم عمود تانى اتركى
غرزة واشتغلى عمودين لما توصلى للوجة اشتغلى
العمودين داخل العمودين( الشغل حيكون داير مايدور)
اشتغلى المقاس اللى انتى عايزاة سواء طويل او قصير

 الخطوة الاخيرة حنشتغل الكمر
لما توصلى للمقاس المناسب اشتغلى سطر
كلة عواميد
السطر التانى من الكمر
حنشتغل الغرزة المطاطية وهى غرزة امامية
وغرزة خلفيه والسطر اللى بعدة الغرزة اللى اشتغلتى عليها غرزة امامية اشتغلى عليها
غرزة امامية والعكس الغرزة الخلفية اشتغلى
عليها غرزة خلفية حوالى6 او 7 اسطر

                 وكدة خلص  الشراب اتمنى ان تكونو استفدتوا
الى لقاء اخر وقطع متميزه بنقولهالكم من ورش متعدده علشان تفيدوا التلميذات وتكونى معلمه متميزه والماده ترجع تزدهر ونقوم بعمل معرض ضخمه  ان شاء الله